Azərbaycan kubokunda iştirak edəcək komandalar müəyyənləşdi
31.10.2019 , 17:56
Azərbaycan Kubokunda 2019/2020-ci illər mövsümü üçün iştirakçı komandaların sayı məlum olub.
Korner.az xəbər verir ki, ölkə kuboku uğrunda 12 komanda mübarizə aparacaq.
Bunlar 8 Premyer Liqa klubu və 4 birinci divizion təmsilçiləridir – “Qarabağ”, “Neftçi”, “Qəbələ”, “Sumqayıt”, “Zirə”, “Sabah”, “Keşlə”, “Səbail”, “Zaqatala”, “Kəpəz”, “Ağsu” və “Qaradağ Lökbatan”.
Birinci divizon klublarından “Turan-Tovuz”la MOİK kubokda iştirakdan imtina edib.
Yarışın püşkü noyabrın 13-də saat 15:00-da AFFA-nın inzibati binasında atılacaq
