Azər Əliyev “Neftçi”də yerli statusunda oynayacaq
28.01.2022 , 15:58
“Neftçi”nin yeni transferi Azər Əliyev azərbaycanlı futbolçu statusunda oynayacaq.
Korner.az xəbər verir ki, bu barədə Bakı təmsilçisinin idman direktoru Zaur Əzizov klubun rəsmi televiziyasına açıqlama verib: “Azər Əliyev azərbaycanlıdır. Bununla bağlı açıqlama veriləcək. Onunla bütün danışıqlar doğma dildə olub”.
Qeyd edək ki, son klubu Rusiya “Ufa”sı olan 28 yaşlı yarımmüdafiəçi dünən “Neftçi” ilə 3,5 illik müqavilə imzalayıb.