"Mən qadınlararası dünya çempionatı Azərbaycan 2012-nin rəsmi dostu seçildim. Futbola marağım elə bundan sonra dahada artdı. Düzdü millimizin və klublarımızın oyunlarını izləmirəm. Ancaq hər zaman məlumat əldə etməyə çalışıram". Bu sözləri Korner.az-a açıqlamasında Azərbaycan musiqisinin məşhur simalarından olan Çingiz Mustafayev deyib.
FIFA U-17 qadınlararası dünya çempionatı Azərbaycan 2012-nin rəsmi dostu seçilən müğənni millimizdən yalnız qələbə gözlədiyini bildirib:
"Mən hər zaman millimizin qələbəsinə inanmışam. Bu dəfə də elədir. Qrupumuzda elədə güclü komandalar düşməyib. Lənkəranda onların oyunlarını izləmişəm. Maşallah… Bizim millidən bu cür gözəl oyun gözləməzdim. Bu çempionat bizim qadın futbolunun inkişafında önəmli rol oyanayacaq. Bundan sonra qadınlarımızda futbola baxacaqlar. Millimizdən qarşıdakı yarışda yalnız uğur, qələbə və nailiyyət gözləyirəm".
