Azərbaycanlı futbolçu İspaniya klubuna keçdi
17.02.2026 , 21:44
İspaniyanın 3-cü liqa təmsilçisi “Kazaleqas” azərbaycanlı futbolçu Hüseyn Əhmədov ilə müqavilə bağlayıb.
Korner.az xəbər verir ki, sağ cinah müdafiəçisi 1 illik anlaşmaya qol çəkib.
Xatırladaq ki, 2007-ci il təvəllüdlü futbolçu son olaraq II Liqa komandası “Dinamo” (Bakı)da çıxış edib.
Qeyd edək ki, “Kazaleqas” İspaniya 3-cü liqasında 22 turdan sonra 12 xalla 18 komanda arasında 17-ci pillədə yer alır.
