Azərbaycanlı FİFA referisinə beynəlxalq təyinat
01.04.2024 , 15:36
Azərbaycanın FİFA referisi Fəridə Lütfəliyeva beynəlxalq təyinat alıb.
Korner.az xəbər verir ki, o, qadın futbolçulardan ibarət Monteneqro və Andorra komandaları arasında keçiriləcək Avropa çempionatının seçmə mərhələ oyununu idarə edəcək.
Ona yan xətdə Sevda Nuriyeva və Gülnurə Əkbərzadə kömək göstərəcəklər. Dördüncü hakim funksiyasını maltalı Yoanna Vassallo yerinə yetirəcək.
Qeyd edək ki, C Liqasının 3-cü qrupunun oyunu aprelin 5-də Monteneqronun paytaxtı Podqoritsada, Bakı vaxtı ilə saat 18:30-da başlayacaq.
