Azərbaycanlı atlet “Fənərbağça”da rəhbər postunda
08.01.2026 , 17:50
Azərbaycanlı tanınmış yüngül atlet Ramil Quliyev Türkiyənin “Fənərbağça” İdman Klubunda mühüm vəzifəyə təyin olunub.
Korner.az xəbər verir ki, bu barədə İstanbul klubunun rəsmi saytı məlumat yayıb.
Məlumata görə, dünya və Avropa çempionu tituluna sahib olan Ramil Quliyev “Fənərbağça”nın Atletika şöbəsinin rəhbəri vəzifəsini icra edəcək.
Yeni təyinatla bağlı imza mərasimi klubun binasında baş tutub. Tədbirdə Atletika şöbəsinə cavabdeh İdarə Heyətinin üzvü Ozan Vural və Həvəskar şöbələr üzrə koordinator Yüksəl Seçkin Saruhan da iştirak ediblər.
