“Azərbaycanla oyunda hər şeyi edəcəyik” – Pavel Hapal
05.11.2019 , 19:10

AVRO-2020-nin seçmə mərhələsində noyabrın 16-da Xorvatoya, bundan 3 gün sonra Azərbaycan millisi ilə qarşılaşacaq Slovakiya yığmasının baş məşqçisi Pavel Hapal açıqlama verib.
Korner.az xəbər verir ki, mütəxəssis Azərbaycanla matçın həlledici olduğunu deyib:
“Domaqoy Vida və Deyan Lovren oynamasa, Xorvatiya çətinliklə üzləşəcək. Amma yəqin ki, bizimlə oyun üçün ehtiyat variantları da var. Xorvatiyadakı qarşılaşma bizim üçün çox vacibdi. Bu oyundan çox şey asılıdı. Lakin hər şey son turda həll olunacaq. Hər iki vəsiqənin taleyinin son matçlara qalması da istisna deyil. Biz hər iki görüşdə qalib gəlməklə 1-ci olmaq istəyirik. Şadam ki, azarkeşlərimiz sonadək bu mübarizəyə şahid olacaqlar. Onların ümidlərini doğrultmaq üçün Xorvatiya və Azərbaycanla görüşlərdə hər şeyi edəcəyik. Bunun üçün ilk iki yerdən birini tutmalıyıq”.
