“Azərbaycanla görüş açar rolu oynayacaq” – Hamşik
10.06.2019 , 11:02
“Azərbaycanla görüşü açar rolu oynayacaq önəmli bir oyun kimi görürəm. Bura 3 xal üçün gəlmişik, öz səviyyəmizi ortaya qoymaq istəyirik”.
Korner.az-ın məlumatına görə, bu sözləri Slovakiya millisinin futbolçusu Marek Hamşik yerli mətbuata müsahibəsində deyib.
Təcrübəli futbolçu millimizlə oyunda maksimum dərəcədə diqqətli olmağa çalışacaqlarını bildirib:
“Baş məşqçi Pavel Hapal bizə dedi ki, bu məqamı düşünüb işimizi çətinləşdirməməli, başı dik mübarizəmizi aparmalıyıq. Baş məşqçinin tapşırıqlarına əməl etməyə çalışacağıq. Gərəksiz gecikmələrin olmaması üçün sürətli və sadə oynamağımızı istəyib”.
