Azərbaycanın FİFA referilərinin siyahısında dəyişiklik
07.10.2020 , 16:47
2021-ci ildə Azərbaycanı beynəlxalq oyunlarda təmsil edəcək FIFA referilərinin siyahısında bəzi dəyişikliklər edilib.
Korner.az AFFA-nın rəsmi saytına istinadən xəbər verir ki, bu barədə qərar Hakimlər Komitəsinin iclasında qəbul edilib.
2013-cü ildən FIFA referisi olan Rəhim Həsənovu Elçin Məsiyev əvəzləyib. 2010-cu ildən FIFA referisi olan və zədə səbəbindən karyerasını başa vuran Mübariz Həşimovun əvəzinə isə Cavanşir Yusifovun adı siyahıya əlavə edilib. Fiziki testdən və ingilis dili bacarığından uğurla keçən 2 yeni futzal hakimi – Əli Cəbrayılov və Knyaz Əmiraslanovun adları hazırkı siyahıya əlavə olaraq FIFA-ya göndəriləcək.
