Azərbaycandan daha 2 medal
10.08.2022 , 14:49

Azərbaycan Türkiyənin Konya şəhərində keçirilən 5-ci İslam Həmrəyliyi Oyunlarında 5 və 6-cı medalını da təmin edib.
Korner.az xəbər verir ki, taekvondoçumuz Fəridə Əzizova (67 kq) Qazaxıstan idmançısı Fenuza Yengeşovaya qalib gəlməklə yarımfinala yüksəlib. O, ən azı bürünc medalı təmin edib.
Eyni uğura kişi takevandoçumuz Cavad Ağayev (68 kq) də imza atıb. O, Qazaxıstan təmsilçisi Eldar Birimbaya qalib gələrək yarımfinala vəsiqə qazanıb.
Qeyd edək ki, daha əvvəl Anna Skidan çəkicatmada qızıl, taekvondoçu Həşim Məhəmmədov bürünc, üçtəkanla tullanmada Aleksis Kopello gümüş medala sahib çıxıb. Bir neçə saat öncə taekvandoçumuz Patimat Abakarova isə yarımfinala yüksəlməklə bürünc medalı təmin edib.
