“Zenit” klubunun futbolçusu Ramil Şeydayev yığmadakı gələcək karyerası haqda danışıb.
Korner.az-ın Qol.Az-a istinadən verdiyi məlumata görə, gənc futbolçu yaxın gələcəkdə Azərbaycan millisində yox, Rusiya yığmasında oynamaq istədiyini bildirib:
“Azərbaycan millisindən təklif almışam. Ancaq heç bir danışığım olmayıb. Hazırda bütün fikirlərim Rusiya ilə bağlıdır. Azərbaycan yığmasına hörmətlə yanaşıram. Ora atamın doğma vətənidir. Ancaq mən Rusiya millisində oynamaq istəyirəm. Nə qədər lazımdırsa, iki və ya üç il Fabio Kapellonun təklifini gözləyəcəm”.
Qeyd edək ki, Rusiyanın U-21 yığmasının üzvü olan Ramil Şeydayevin qarşıdakı illərdə Azərbaycan millisində oynaya biləcəyi iddia olunur.
