Millimizlə yoxlama görüşündə üz-üzə gələcək Ukraynanın “Şaxtyor” klubu Antalyada təlim-məşq toplanışı çərçivəsində ikinci matçını keçirib.
Korner.az-ın məlumatına görə, Donetsk təmsilçisi Polşanın “Tıxı” klubu ilə qarşılaşıb. Matç Mirça Luçeskunun komandasının 3:1 hesablı qələbəsi ilə başa çatıb.
Xatırladaq ki, “Şaxtyor” bundan əvvəl “Atırau”ya (Qazaxıstan) qalib gəlmişdi – 1:0.
Qeyd edək ki, Azərbaycan – “Şaxtyor” oyunu fevralın 24-ü, Bakı vaxtı ilə saat 19:00-da başlayacaq.
