Azərbaycan minifutbol millisindən 1 qələbə, 1 məğlubiyyət
01.05.2024 , 13:36
Azərbaycanın minifutbol yığması Monteneqroda təşkil olunan beynəlxalq turnirdə iki oyun keçirib.
Korner.az xəbər verir ki, komanda Avropa çempionatına hazırlıq çərçivəsində ilk oyununda dünya çempionu Rumıniyaya uduzub – 0:1.
Elşad Quliyevin rəhbərlik etdiyi kollektiv 2-ci matçında Bosniya və Herseqovina ilə qarşılaşıb və 6:0 hesabı ilə qalib gəlib. Millinin qollarını Mirkamil Əliyev, Təmkin Xəlilzadə, Ağaseyid Qasımov, Təmraz Əmircanov, Ramiz Çovdarov və Kamran Qürbətov vurub.
