Azərbaycan millisinin rəqibləri müəyyənləşdi
07.11.2024 , 16:36
Qadın futbolçulardan ibarət milli komandalar arasında UEFA Millətlər Liqasının 2025-ci il mövsümünün püşkü atılıb.
Korner.az xəbər verir ki, İsveçrənin Nyon şəhərində təşkil edilən püşkatmanın nəticəsinə görə C liqasında mübarizə aparacaq Azərbaycan millisinin rəqibləri də müəyyənləşib.
Püşk zamanı birinci səbətdə yer alan millimiz 4-cü qrupda Monteneqro və Litvaya rəqib olub.
Qeyd edək ki, Millətlər Liqasında yeni mövsümə 2025-ci ilin fevralında start veriləcək.
