“Azərbaycan millisini qiymətləndirməsək, düzgün olmaz. Azərbaycan həmin komandadı ki, son iki ildə FİFA reytinqində 60 pillə yüksəlib. Rəqibin yaxşı heyəti var. Bir sıra oyunçuları Çempionlar Liqasının qrup mərhələsinə yüksəlmək şansı olan “Qarabağ”da çıxış edir”.
Bu sözləri Norveç millisinin baş məşqçisi Lars Laqerbek DÇ-2018-in seçmə mərhələsində millimizlə oyun barədə danışarkən deyib.
O, Azərbaycana qarşı matçın asan olmayacağını bildirib:
“Qalib gəlmək üçün yaxşı çalışmalıyıq. Hazırda bizim kifayət qədər gənc oyunçumuz var. Hələlik bəzi futbolçular arasında fərq hiss olunmur. Bəziləri oyun praktikalarının azlığına baxmayaraq, yaxşı vəziyyətdədirlər. Norveç millisi gənc komandadır və yaxşı gələcəyi var”.
