Azərbaycan millisindən uğurlu start
03.03.2026 , 16:55
Qadın futbolçulardan ibarət Azərbaycan milli komandası dünya çempionatı – 2027-nin seçmə mərhələsində mübarizəyə start verib.
Korner.az xəbər verir ki, C Liqasının 3-cü qrupunda yer alan millimiz ilk oyununu Şimali Makedoniya yığmasına qarşı keçirib.
Millimizin heyətində 50 oyun keçirmiş Nigar Mirzaliyeva və Sevinc Cəfərzadəyə qarşılaşmadan əvvəl AFFA adından xatirə olaraq millinin rəsmi forması verilib. Yubilyarlara hədiyyəni AFFA-nın baş katibi Cahangir Fərəcullayev və gənclər və idman naziri Fərid Qayıbov təqdim ediblər.
“Dalğa Arena”da təşkil olunan görüş millimizin 2:0 hesablı qələbəsi ilə yekunlaşıb. Komandamızın heyətində hər iki qolu kapitan Sevinc Cəfərzadə vurub.
Azərbaycan – Şimali Makedoniya – 2:0
Qollar: Sevinc Cəfərzadə, 28, 78
