Xəbər verdiyimiz kimi, futzal üzrə dünya çempionatının pley-off mərhələsində millimizin qonağı olacaq Hollandiya yığması ilk oyundakı 1:5 hesablı məğlubiyyətin revanşını almaq arzusundadır.
Korner.az-ın məlumatına görə, aprelin 12-də keçiriləcək matçdan öncə fikirlərini ölkəsinin mətbuatına açıqlayan Hollandiyanın baş məşqçisi Marsel Lusveld bunları qeyd edib:
“İlk oyunda Azərbaycan millisinə böyük hesabla uduzmaqla özümüzü çətin vəziyyətə saldıq. Cavab görüşündə işimiz çətin olacaq. Bununla belə, heyəti dəyişmək niyyətim yoxdur. Bilirəm ki, futzalçularım cavab görüşündə daha yaxşı oynaya bilər. Biz seçmə mərhələdə və yoldaşlıq görüşündə Portuqaliya ilə qarşılaşmışıq. Əlbəttə, Azərbaycan millisi güclü rəqibdir. Təəssüf ki, belə önəmli matçda Azərbaycana uduzduq. Lakin Bakıdakı oyuna tam hazır olmağa çalışacağıq”.
