Futbol

“Azərbaycan millisi üçün maraqlı deyiləm”

09.07.2020 , 17:59

“Sumqayıt”la müqaviləsi başa çatan Əmir Ağayev jsport.co.il saytına müsahibə verib.

Korner.az həmin müsahibəni təqdim edir.

– “Sumqayıt”ın ilk dəfə Avropa Liqasına vəsiqə qazanması münasibətilə sizi təbrik edirik. Bu, gözəl hiss olmalıdır. Mövsümün əvvəlində bunun alınacağına inanırdınız?

– Bəli. Çünki əla komandamız var və yekunda sevindik.

– Sizinlə müqavilənin uzadılmamasına koronavirus səbəb oldu, yoxsa bu, daha çox peşəkar qərar idi?

– Müqaviləmin uzadılmamağımım koronavirusla heç bir əlaqəsi yoxdur. Yeri gəlmişkən, koronavirus olmasaydı, əminəm ki, keyfiyyət baxımından şəxsi rekordumu yeniləyəcəkdim.

– İrəliyə doğru addım atmağa – ölkə xaricində və ya İsraildə oynamağa hazırsınız?

– Hazırda İsraildəyik və nə edəcəyimizi düşünürük. Vəziyyəti təhlil edib, nəyi necə edəcəyimizi düşünürük. Hər şeyi araşdırırıq. Həmişə hazıram. Amma indi daha təcrübəliyəm. Həyatımda 1-2 hadisə baş verdi ki, mənə çox şey şey öyrətdi.

– Azərbaycanda çempionatın səviyyəsi necədir? Liqanın güclü və zəif tərəfləri sizi təəccübləndirdi?

– Hər zaman demişəm ki, liqaların əksəriyyəti eyni səviyyədədir. Əlbəttə, ən yaxşı 5-6 çempionatdan başqa.

– Şübhəsiz, ailənizin yanınızda olması Bakıda həyatınızı asanlaşdırırdı. Orada qalmaq onlar üçün necə idi? Uşaqlarla birlikdə yeni və yad yerə necə uyğunlaşdınız?

– Biz nisbətən tez uyğunlaşdıq və ora çox xoşuma gəldi. Çünki Bakı həqiqətən möhtəşəm şəhərdir. Düzdür, vətən üçün darıxırdıq. Çünki bu dəfə uzun müddət ayrı qaldıq. Amma karyeram və dolanışıq üçün müəyyən güzəştlərə gedirik.

– Sizin üçün yaxşı keçən mövsümdən sonra düşünmürsünüz ki, İsraildə oynasaydınız, yığmaya dəvət alardınız?

– Dünyanın istənilən çempionatında oynamağınızdan asılı olmayaraq özünüzü ən yaxşı tərəfdən göstərməlisiniz. Buna görə də harada çıxış etməyimin fərqi yoxdur. Çempionatın səviyyəsinin etdiklərimə heç bir dəxli yoxdur.

– Azərbaycan vətəndaşlığınız da var. Bu, yerli yığmaya dəvət almağınıza kömək edə bilər?

– Azərbaycan millisində neçə nəfərin mənimlə maraqlandığını, oyunumu izlədiyimi bilmirəm. Bu, onlar üçün cəlbedici deyil.

– Növbəti mövsümdə özünüzü harada görürsünüz?

– Hələ bilmirəm. Sakit düşünmək üçün kifayət qədər vaxtımız var. Ümid edirəm ki, hər şey yaxşı olacaq.

Son yazılar

Yuxarı