Azərbaycan millisi Paris-2024-ün təsnifat mərhələsinin finalında
14.04.2024 , 12:34
Bu gün Azərbaycanın qadınlardan ibarət 3×3 basketbol millisi Honqkonqda təşkil olunan Olimpiya Təsnifat turnirində növbəti oyununa çıxıb.
Korner.az xəbər verir ki, komanda yarımfinalda Macarıstanla üz-üzə gəlib.
Azərbaycan millisi 21:19 hesabı ilə qalib gələrək finala yüksəlib. Digər yarımfinalda isə Niderland və Polşa milliləri qarşılaşacaq. Qalib gələn komanda finalda Azərbaycan millisi ilə üz-üzə gələcək. Final oyunu Bakı vaxtı ilə saat 13:35-də başlayacaq.
Qeyd edək ki, turnirin qalibi Paris-2024 Yay Olimpiya Oyunlarına yeganə vəsiqəyə sahib çıxacaq.
