“Azərbaycan Avropa çempionu olmuş almaniyalı Berti Foqtsu gətirdilər. Nə oldu? Onlar Foqtsdan əvvəl də məğlub olurdular, Foqtsun dövründə də məğlub oldular. Bundan sonra da məğlub olacaqlar”.
Korner.az-ın məlumatına görə, bu sözləri Rusiyanın tanınmış futbol eksperti olan Aleksandr Bubnov deyib.
O Azərbaycan futbolunda material olmadığını ifadə edib.
“Onların futbolunda material yoxdur. Axı bu, yığmadır, klub futbolu deyil. Klubda legioner götürə bilərsən, bunun sayəsində çempionatda, avrokuboklarda uğur qazanarsan. Amma yığmada bir yol var – əlində olanlardan maksimum nəsə almaq”, deyə o bildirib.
