Milli

“Azərbaycan layiqli qələbə qazandı” – Lars Olsen

17.11.2018 , 23:19

Farer adaları millisinin baş məşqçisi Lars Olsen UEFA Millətlər Liqasının qrup mərhələsinin V turunda Azərbaycan yığmasına 0:2 hesabı ilə məğlub olduqları matçdan sonra keçirilən mətbuat konfransında jurnalistlərin suallarını cavablandırdı.

O, əvvəlcə oyun barədə fikirlərini bildirdi…

– Azərbaycanı təbrik edirəm. Bu gün daha yaxşı idilər və qələbəni haqq etdilər. Oyunu iki hissəyə bölmək olar. Birinci hissədə Azərbaycan daha çox topla oynadı və biz müdafiə olunduq. Rəqibə çoxlu qol imkanı vermədik. Sadəcə səhvlərdən iki qol buraxdıq. İkinci hissədə daha yaxşı oynadıq. Ancaq Azərbaycan layiqli qələbə qazandı.

– Qısa müddətdə həm Azərbaycana və Kosovoya qarşı iki oyun keçirmisiz və hər iki komandanı yaxşı tanıyırsız. Bu komandalar arasında son oyunda hansı daha şanslıdı?
– Kosovo bu gün 5:0 hesabı ilə qələbə qazanıb. Onlar evdə oynayacaqlar. Çox həyəcanlı oyun olacaq. Hər iki komanda qələbə qazana bilər. Priştinada oynamaq Azərbaycan üçün çətin olacaq.

Son yazılar

Yuxarı