Azərbaycan kubokunun püşkü atılır
13.11.2019 , 11:15
Bu gün Azərbaycan kubokunda 2019/20 mövsümünün püşkatma mərasimi keçiriləcək.
Korner.az xəbər verir ki, kubokda Premyer Liqada iştirak edən 8 klub və I Divizionun 4 təmsilçisi – “Zaqatala”, “Kəpəz”, “Ağsu” və “Qaradağ Lökbatan” iştirak edəcək.
Ötən mövsüm Premyer Liqada 5-8-ci yerləri tutmuş “Zirə”, “Sumqayıt”, “Sabah” və “Keşlə” ilkin mərhələdə I Divizion klublarına rəqib olacaqlar. Bir mərhələdən ibarət olacaq turda qalib olacaq kollektivlər 1/4 finalda “Qarabağ”, “Neftçi”, “Səbail” və “Qəbələ” ilə qarşılaşacaqlar.
İlkin təsnifatın oyunları dekabrın 4-ü baş tutacaq. 1/4 finalın qarşılaşmaları 15-16 dekabrda, cavab matçları islə 19-20 dekabrda baş tutacaq.
Püşkatma mərasimi AFFA-nın inzibati binasında keçiriləcək. Tədbir saat 15:00-da başlayacaq.
