Azərbaycan kubokunda final matçının məkanı açıqlandı
09.01.2025 , 18:10
Azərbaycan kubokunda 2024/2025 mövsümünün final oyununun keçiriləcəyi stadionun adı rəsmən açıqlanıb.
Korner.az xəbər verir ki, bu barədə Peşəkar Futbol Liqası məlumat yayıb.
Qarşılaşma 1 iyun tarixində Mehdi Hüseynzadə adına Sumqayıt şəhər stadionunda oynanılacaq.
Matçın başlama saatı və finala aid digər detallar barədə Peşəkar Futbol Liqasının rəsmi saytında əlavə məlumat veriləcəyi bildirilib.
