Bu gün Azərbaycan kubokunun final oyunu keçiriləcək. Həlledici matçda “Keşlə” və “Qəbələ” komandaları üz-üzə gələcək.
Azərbaycan Kubokunun 2017/18 mövsümündə 22 oyun keçirilib. 23-cü matç olacaq və “Keşlə” ilə “Qəbələ” arasında oynanılacaq finala qədər qapılara 66 qol vurulub. Bu toplardan 46-nı meydan sahibləri, 20-ni qonaqlar vurub.
Kubok yarışında 43 futbolçu qol sevinci yaşayıb. Turnirin ən məhsuldar oyunçusu “Qəbələ”nin yarımmüdafiəçisi Filip Ozobiçdir. Onun hesabında 4 qol var. Onun ən yaxın rəqibi isə komanda yoldaşı Baqali Dabodur. O, finaladək 3 dəfə fərqlənib.
