Bu gün Azərbaycan kubokunun final oyunu keçiriləcək. Həlledici matçda “Keşlə” və “Qəbələ” komandaları üz-üzə gələcək.
Daha çox final oynamış iki futbolçudan biri olan Mahmud Qurbanov Azərbaycan kubokunun ən titullu oyunçusudur. O, 5 dəfə yarışın həlledici matçında qələbə sevinci yaşayıb. Rəşad Sadıqov, Maksim Medvedev, Hüseyn Məhəmmədov, Füzuli Məmmədov və Füzuli Allahverdiyev isə 4 dəfə finalı qalib kimi tərk edib.
Bu siyahıya daha bir oyunçu qoşula bilər. Denis Silva oyunda olsa və komandası qalib gəlsə, braziliyalı 4-cü dəfə buna nail olacaq.
