Azərbaycan klublarının potensial rəqibləri məlum oldu
05.08.2024 , 16:25
Bu gün Konfrans Liqasında pley-off mərhələsinin püşkatma mərasimi keçirilib.
Korner.az xəbər verir ki, tədbir İsveçrənin Nyon şəhərində təşkil olunub.
Püşkatmada Azərbaycan təmsilçilərinin cütlərinin potensial rəqibləri məlum olub.
“Zirə” (Azərbaycan) – “Osiyek” (Xorvatiya) və “Sabah” (Azərbaycan) – “Sent-Patriks Atletik” (İrlandiya) cütləri səpələnməmişlər səbətində yer alıb.
“Zirə” (Azərbaycan) – “Osiyek” (Xorvatiya) cütünün qalibi “Omoniya” (Kipr) – “Fehervar” (Macarıstan) cütünün qalibi ilə qarşılaşacaq.
“Sabah” (Azərbaycan) – “Sent-Patriks Atletik” (İrlandiya) cütünün qalibi isə “Saburtalo” (Gürcüstan) – “Başakşəhər” (Türkiyə) cütünün qalibi ilə üz-üzə gələcək.
Qeyd edək ki, “Zirə” və “Sabah” 3-cü təsnifat mərhələsindəki ilk oyunlarını avqustun 8-də səfərdə, cavab görüşlərini isə avqustun 15-də evdə keçirəcəklər.
