Azərbaycan idmançısı Qış Olimpiya Oyunlarına vəsiqə qazandı
30.03.2025 , 16:30
25-30 mart tarixlərində Bostonda keçirilən Fiqurlu Konkisürmə üzrə Dünya Çempionatında ölkəmizi təmsil edən idmançımız Vladimir Litvintsev qısa və sərbəst proqram üzrə çıxış edərək 233,31 xal toplayıb.
Korner.az xəbər verir ki, o, 39 idmançı arasında 15-ci yerdə qərarlaşaraq Qış Olimpiya Oyunlarına lisenziya qazanıb.
Yarışda çıxış edən digər idmançılarımız Nərgiz Süleymanova və buz üstündə rəqs idman növü üzrə yarışan cütlüyümüz Samantha Ritter və Daniel Brykalov isə qısa proqramda rəqiblərindən geri qalaraq növbəti mərhələyə vəsiqə qazana bilməyiblər.
