Futbol

“Azərbaycan futbol ənənəsi olmayan ölkədir, Premyer Liqada cəmi 8 komanda var”

22.09.2020 , 14:44

Qvatemala millisinin qapıçısı Rikardo Xeres yerlisi Nikolas Hagenin “Səbail”ə keçidindən danışıb.

 

34 yaşlı qapıçı “ESPN Guatemala”ya açıqlamasında buna təəccübləndiyini deyib:

 

“Azərbaycan məsələsi məni təəccübləndirdi, çünki oranın futbolu haqda heç nə bilmirik. Azərbaycandan olan bir futbolçu tanımıram, buna görə təəccübləndim. Onun futbolun daha vacib olduğu bir yerə gedəcəyini düşünürdüm. Əcnəbi həyatı yaşamq üçün ən yaxşı potensialı olan futbolçulardan biri Hagendir. O, ölkə xaricində işləmək fürsəti tapıb. Niko bu vəziyyətdə yeni bir dil və mədəniyyət öyrənəcək. Ümid edirəm ki, o, çox yaxşı işlər görür və idmana, insanlara dəyər verilən, futbolçunun üzərində işləyən bir komandadadır. Nikonun çox xəyalları var və onları həyata keçirmək üçün şəraitinin olduğunu da bilirəm”.

 

Xeres Azərbaycan Premyer Liqası haqda da söz açıb:

 

“Mən sizinlə Azərbaycan Premyer Liqasını bilməyən bir adam kimi danışıram. Heç orada qapıçılarla iş üzrə məşqçilərin olub-olmadığını da bilmirəm. Hagen Qvatemaladan heç kimin gözləmədiyi bir liqaya getdi. Çünki Azərbaycan futbol ənənəsi olmayan bir ölkədir, Premyer Liqada isə cəmi 8 komanda var”.

Son yazılar

Yuxarı