Mingəçevirin “Energetik”i I Divizionda çıxış edən komandalar arasında futbolçusuna ən az maaş verən komandadaır.
Korner.az-ın xemsefans.com-a istinadən verdiyi məlumata görə, “Energetik” klubu futbolçularına 80-120 AZN məbləğində maaş verir.
Özü də onlar qeydiyatdan futbolçu kimi yox, zavod işçisi kimi keçiblər. Maaş da onlara bir növü zavid işçisi kimi yazılır. Bunun üçün futbolçulara xüsusi maaş kartları verilib. Zavodda çalışan işçilər nə vaxt maaş aldı, həmin günü futbolçular da bankomata gedib əməkhaqlarını alırlar.
İkinci ən az maaş verən komanda isə “Göyəzən”lə MOİK-di. Belə ki, həm Qazax klubu, həm də hərbi komanda öz futbolçularına 100-200 manat aralığında maaş verir.
“Şuşa” da az maaş verən klublardan hesab olunur. Belə ki, bu komandanın rəhbərliyi futbolçulara 250-300 manat aralığında əməkhaqqı təyin edib.
Birinci divizionda ən yüksək maaş isə “Ağsu”da verilir. Belə ki, orada futbolçulara 1000-12000 manat aralığında maaş verilir. Bundan başqa, vacib oyunlarda qazanılan qələbələrə görə, komandaya əlavə mükafatlar da verilir. “Neftçala” və “Qaradağ Lökbatan” da buna yaxın məbləğdə əmək haqqı verir. Eyni zamanda bu klublar da “Ağsu” kimi, bəzi mərkəzi qarşılaşmalarda qazanılan qələbələrə görə də mükafatlar təyin edirlər.
“Kəpəz” və “Turan –T” isə daha çox AFFA-dan maliyələşdiyindən burada maaşlar da orta rəqəmi əks etdiri. Yəni, 400-500 manat.
