Azərbaycan basketbol tarixində ilk
16.05.2023 , 13:20
20-21 may tarixlərində Astarada qadınlar arasında 3×3 basketbol üzrə Dünya Qadın Seriyasının oyunları baş tutacaq.
Korner.az xəbər verir ki, 3×3 qadın milli komandamızla yanaşı ikisi klub komandası olmaqla ümumilikdə 12 komanda yarışda iştirak edəcək. Turnirdə Azərbaycanla yanaşı, Almaniya, Çin, Polşa, Misir, Çexiya, Macarıstan, Rumıniya, Ukrayna və Avstriya 3×3 qadın yığma komandaları, Çinin “Yuanda” və yerli təmsilçimiz “Neftçi” klubu da Dünya Qadın Seriyasında mübarizə aparacaqlar.
3×3 basketbol üzrə Dünya Qadın Seriyasının oyunları Astara şəhər bulvarında keçiriləcək və “CBC Sport” telekanalı vasitəsilə basketbol sevərlərə təqdim olunacaqdır
