Ayxan Abbasov: “Ustalıq öz sözünü dedi”
01.04.2019 , 22:17
Topaz Premyer Liqasında “Sumqayıt” doğma meydanda “Qarabağ”la qarşılaşıb. Görüş qonaqlaarın 6:0 hesablı qələbəsi ilə başa çatıb.
Oyundan sonra “Sumqayıt” klubunun baş məşqçisi Ayxan Abbasov oyunla fikirlərini bölüşüb.
“Oyuna pis başlamamışdıq. Ancaq ustalıq öz sözünü dedi. 0:3-dən sonra futbolçuları psixoloji planda kökləmək çətin idi. Əlbəttə, çempionatın elə vaxtıdı, mövqeyimiz elədi ki, günü-gündən təzyiq altındayıq. Vaxt da azdı. Artıq 5 gün sonra “Keşlə”ylə matçımız var və buna hazırlaşmalıyıq”.
