Ayxan Abbasov: “Oyuna ciddi hazırlaşmışdıq”
04.12.2019 , 20:11
“Sumqayıt”ın baş məşqçisi Ayxan Abbasov Azərbaycan kubokunun 1/8 finalında “Zaqatala” ilə oyundan sonra fikirlərini bildirib.
Korner.az xəbər verir ki, baş məşqçi 2:0 hesablı qələbəni belə şərh edib:
“Öncə bu soyuq havada bizi dəstəkləyən azarkeşlərimizə təşəkkürümü bildirirəm. Bu cür havaya rəğmən onlar bu gün bizi tək buraxmadılar. Birinci dəstənin ən döyüşkən futbol oynayan komandası ilə qarşılaşacağımızı bilirdik. Biz də oyuna ciddi hazırlaşmışdıq. Premyer Liqada az forma şansı əldə edən futbolçularımıza da bu gün şans verdik. Əsas məqsədimiz turu keçmək idi ki, bunu da bacardıq. Artıq bu oyunu unudub, qarşıdan gələn matçlara hazırlaşmalıyıq”