Ayxan Abbasov: “Məğlub olmaq istəmirdik”
07.11.2020 , 20:35
“Sumqayıt”ın baş məşqçisi Ayxan Abbasov Premyer Liqanın IX turunda “Səbail”ə səfər məğlubiyyətini (1:2) şərh edib.
Korner.az xəbər verir ki, mütəxəssis oyunla bağlı bunları deyib:
“Oyunun çətin keçəcəyini bilirdik. Rəqib 4 oyundu ki, məğlub olmurdu. “Səbail”i analiz edəndə görmək olur ki, müdafiə planında komanda şəklində ən yaxşı çıxış edən kollektivlərdən biridi. Aftandil müəllimi təbrik edirəm. Bu gün məğlub olmaq istəmirdik. Axıra qədər oynadıq. Qol epizodları oldu, amma yararlana bilmədik. Futbolçularıma təşəkkür edirəm ki, sonadək oyundan qopmadılar. Yığmanın görüşlərindən sonra çempionatda vacib oyunlar olacaq. Dövrəni yaxşı nəticə ilə yekunlaşdıracağımıza inanıram”.
