Ayxan Abbasov: “Bu oyun bizim üçün önəmli idi”
29.07.2019 , 21:28
Ankarada təlim-məşq toplanışını davam etdirən “Sumqayıt” bu gün yoxlama oyununda “Gənclərbirliyi” ilə qarşılaşıb və matç 1:1 hesabıyla bitib.
Korner.az xəbər veir ki,komandanın baş məşqçisi Ayxan Abbasov klubun saytına oyunla bağlı fikirlərini bildirib:
“Bu günkü rəqibimiz indiyə qədər oynadıqlarımız arasında ən güclü, ən yaxşısı idi.Xatırladım ki, rəqib ötən mövsüm PTT 1-ci Liqanın qalibi olub və Superliqaya yüksəlib.Bu oyun bizim üçün önəmli idi.Komandanın belə güclü rəqibə qarşı görmək istəyirdik.Uşaqlar da mübarizə apardılar.İkinci hissədə qol epizodlarımız da oldu,amma istifadə edə bilmədik.Buna baxmayaraq futbolçuların meydanda əzmkarlığı məni qane etdi.Bəzi futbolçularımız hələ tam formada deyil.Ümid edirəm ki, çempionatın startına qədər onlar da formasını tam bərpa edib komandaya kömək edəcəklər”.
