Ayxan Abbasov: “Bizdə elə problem yoxdu”
11.09.2020 , 21:33
Premyer Liqanın II turunda keçirilən “Neftçi” – “Sumqayıt” oyunundan (0:2) sonra keçirilən mətbuat konfransında qonaq komandanın baş məşqçisi Ayxan Abbasov jurnalistlərin suallarını cavablandırdı.
Korner.az xəbər verir ki, o öncə oyunla bağlı fikirlərini bildirdi:
Hamını salamlayıram. “Neftçi”yə “Qalatasaray”la oyunda uğurlar arzulayıram. Bugünki oyuna gəldikdə isə deyərdim fasilə bizə yararlı oldu. Komanda formaya düşüb. Rəqibi analiz eləmişdik. Azarkeşlərimizi təbrik edirəm. Gələn oyunlara hazırlaşacağıq.
– Mehti Cənnətovun durumu necədi?
– Bunu sabah biləcəyik. Əzələsində dartılma var.
– Rəhim Sadıqovu ehtiyatda saxlayıb, sonra meydana buraxdız. Bu, birmənalı qarşılanmaz ki?
– Biz Rəhimə inanırıq. Bu gün onun oyunu göz qabağındadı.
– Mətbuatda belə xəbər paylaşılır ki, “Sumqayıt”da maliyyə problemi var…
– Bizdə elə problem yoxdu.
Mina Musayeva