Avropa Liqasının pley-off mərhələsi çərçivəsində avqustun 22-də keçiriləcək “Qarabağ” – “Ayntraxt” qarşılaşmasının Almaniyada yayımlanması məsələsi uzun müddət problemli qalsa da, artıq həllini tapıb.
Korner.az-ın məlumatına görə, oyun HR televiziyası vasitəsilə canlı yayımlanacaq.
Bu arada, “Ayntraxt” matçı Tofiq Bəhramov adına Respublika stadionunda izləmək istəyən azarkeşləri üçün də imkan yaradıb. Fanatlar 990 avro qarşılığında komanda ilə birlikdə paytaxtımıza gələ biləcəklər. Bu qiymətə ikitərəfli təyyarə bileti, viza və otel xərcləri daxildi.