Ayın ən yaxşısı
31.03.2023 , 14:57
İspaniya La Liqasında mart ayının ən yaxşı futbolçusu bəlli olub.
Korner.az xəbər verir ki, bu ada Madrid “Atletiko”sunun hücumçusu Antuan Qrizmann layiq görülüb.
Fransalı hücumçu bu ay çempionatda meydana çıxdığı 3 oyunda 2 qol vurub və 1 məhsuldar ötürmə ilə yadda qalıb.
Qrizmann martın ən yaxşısı olmaq üçün Enes Ünal (“Xetafe”), Rafinya (“Barselona”), Yaqo Aspas (“Selta”), Samu Çukvueze (“Vilyarreal”), Borxa İqlesias (“Betis”) və David Silva (“Real Sosyedad”) kimi futbolçuları geridə qoymağa nail olub.
