Ayın ən yaxşı qolunu hansı oyunçular vurub?
18.03.2025 , 17:31
“Ayın qolu” layihəsində fevral ayının qalibləri müəyyənləşib.
Korner.az xəbər verir ki, bu barədə PFL-in mətbuat xidməti məlumat yayıb. Münsiflər heyətinin üzvləri səslərini aşağıda qeyd olunan futbolçulara veriblər.
Misli Premyer Liqasında Patrik Andrade (“Qarabağ”), 1-ci Liqada Ramil Orucuv (MOİK) və 2-ci Liqada Eşqin Tağıyev (“Qusar”) birinci olub.
Qeyd: II Liqa çərçivəsində keçirilən səsvermə zamanı 3 oyunçunun qolu 3 xal toplayıb. Belədə şərtlərə əsasən yekun qərarın verilməsi Peşəkar Futbol Liqasının səlahiyyətləri daxilindədir. Daxili səsvermənin yekunlarına görə “Qusar”ın futbolçusu Eşqin Tağıyevin qolu “Ayın qolu” seçilib.
