Ayın ən yaxşı baş məşqçisi o seçildi
13.02.2026 , 19:50
“Mançester Yunayted”in çalışdırıcısı Maykl Karrik İngiltərə Premyer Liqasında ayın ən yaxşı baş məşqçisi adına layiq görülüb.
Korner.az xəbər verir ki, bu barədə turnirin mətbuat xidməti məlumat yayıb.
Yanvar ayında Karrikin komandası uğurlu çıxışı ilə diqqət çəkib. “Mançester Yunayted” əvvəlcə çempionatın lideri “Arsenal”ı 3:2 hesabı ilə məğlub edib, daha sonra isə ikinci pillədə qərarlaşan “Mançester Siti” üzərində 2:0 hesablı qələbə qazanıb.
44 yaşlı mütəxəssis yanvarın 13-dən komandanın sükanı arxasındadır. O, futbolçu karyerası ərzində “Mançester Yunayted”lə bir sıra böyük uğurlar əldə edib və İngiltərə Premyer Liqası ilə yanaşı, Avropanın nüfuzlu turnirlərində də çempionluq sevinci yaşayıb.
