"Mən ikinci ildir bu yarışla əlaqədar tədbirlərə qatılıram. Bu müddət ərzində yeni naliyyətlər də olub. Bu gün isə milli komandamıza həsr edilən bir mahnı oxuyacam və deyim ki, bu musiqini ilk dəfədir səsləndirirəm".
Bu sözləri Korner.az-a açıqlamasında xalq artisti Aygün Kazımova deyib. Tanınmış müğənni AFFA-nın təşkilatçılığı ilə baş tutan konsertdə yerli futbolla maraqlanmadığını bildirib:
"Yox, klubarımızın və əsas millinin oyunlarını izləmirəm. Əslində mənim futbola elə də maraqım yodur. Düzdü, idmanla məşğul olmuşam. U-17 qızlarımızın oyununu izləyirəm. Hətta qızlarımızın hamısının məndə şəkli var və onları tanıyıram. Bəlkə də siz heç mənim qədər onları tanımırsız. Qarşıdakı oyunlarda qızlarımıza dəstək verməyə çalışacam".
