“Ayaks”ın baş məşqçisi: “Poçettino boş şeylər danışır”
30.04.2019 , 11:05
“Ayaks” klubunun baş məşqçisi Erik ten Haq “Tottenham”in çalışdırıcı Maurisio Poçettinoya söz atıb.
Çempionlar Liqası öncəsi “Ayaks”ın “Tottenhem” ilə müqayisədə 1 gün daha çox dincəldiyini deyən Poçettino bunun ədalətli qərar olmadığını deyib. Amsterdam təmsilçisinin baş məşqçisi isə həmkarının bu fikrinə ironiyalı cavab verib.
“Yayım hüquqlarından 10 milyon avro qazandığımız bir liqada çıxış edirik. “Tottenhem” isə buna görə Premyer Liqada 200 milyon avro qazanır. Sizcə, bunun harası ədalətlidir?”
Qeyd edək ki, “Tottenhem” – “Ayaks” görüşü bu axşam Bakı vaxtı ilə saat 23:00-da başlayacaq.
