Bu gecə Avropa Liqasının 1/4 final mərhələsinin cavab oyunları keçiriləcək.
Korner.az-ın məlumatına görə, baş tutacaq 4 qarşılaşmadan sonra bütün yarımfinalçılar müəyyənləşəcək.
İtaliyada “Fiorentina” klubu öz meydanında “Dinamo”nu qəbul edəcək. Ukraynada baş tutacaq oyunda 1:1 hesabı qeydə alındığından cütün taleyinə məhz bu görüşdə aydınlıq gələcək.
İtaliyanın digər təmsilçisi “Napoli” evdə “Volfsburq”la qarşılaşacaq. Səfərdə rəqibinə 4:1 hesabı ilə qalib gələn “Napoli” yarımfinalın bir addımlığındadır. Almaniya klubunun həmin məğlubiyyətin əvəzini çıxacağı inandırıcı görünmür.
Rusiyada “Zenit” və “Sevilya” üz-üzə gələcək. Səfərdə rəqibinə 1:2 hesabı ilə uduzan Peterburq təmsilçisi həmin məğlubiyyətin əvəzini çıxmağa çalışacaq. Avroliqanın son qalibi olan “Sevilya”ya bu görüşdə heç-heçə də kifayət edəcək.
“Qarabağ”la eyni qrupda mübarizə aparmış “Dnepr” klubu evdə “Brügge” ilə qarşılaşacaq. Səfərdə rəqibi ilə 0:0 bərabərə qalan Ukrayna təmsilçisi yarımfinala adlamaq üçün bu görüşdə qalib gəlməlidir. “Brügge” isə yarımfinala adlamaq üçün ən azı məhsuldar heç-heçə etməli və ya qələbə qazanmalıdır.
21 aprel
Avropa Liqası, 1/4 finalın ilk oyunları
00:05. “Dnepr” (Ukrayna) – “Brügge” (Belçika)
(İlk oyun – 0:0)
00:05. “Fiorentina” (İtaliya) – “Dinamo” (Kiyev, Ukrayna)
(İlk oyun – 1:1)
00:05. “Zenit” (Rusiya) – “Sevilya” (İspaniya)
(İlk oyun – 1:2)
00:05. “Napoli” (İtaliya) – “Volfsburq” (Almaniya)
(İlk oyun – 4:1)
