Güləşçimizdən bürünc medal
19.04.2023 , 23:23
Bu gün Azərbaycanın üç qadın güləşçisi Xorvatiyanın paytaxtı Zaqrebdə keçirilən Avropa çempionatında mübarizəyə start verilib.
Korner.az xəbər verir ki, 50 kq çəki dərəcəsində çıxış edən idmançı Mariya Stadnik təsnifat mərhələsində Evin Demirhanla üz-üzə gəlib. Güləşçimiz 14:4 hesabı ilə qalib gələrək, 1/4 finala yüksəlib. Stadnik bu mərhələdə fransalı Jüli Sabatyeyə 9:3 hesabıyla qalib gələrək yarımfinala yüksəlib. Bu mərhələdə Mariya Stadnik polşalı Anna Lukasyaka 9:0 hesabıyla qalib gələrək 9-cu dəfə Avropa çempionatının finalına yüksəlib.
55 kq-da Elnurə Məmmədova Laura Stanelite (Litva) ilə qarşılaşıb və 13:3 hesabı ilə qalib gələrək, 1/4 finala yüksəlib.
Bu gün, həmçinin, Azərbaycanın dörd sərbəst güləşçisi medal uğrunda mübarizə aparıb.
92 kq-da Osman Nurmaqomedov finalda Feyzullah Aktürklə (Türkiyə) qarşılaşıb. Türkiyəli rəqibinə 2:5 hesabı ilə məğlub olan güləşçimiz gümüş medalın sahibi olub.
74 kq-da Cəbrayıl Qadjiyev təsəlliverici qarşılaşmada Soner Demirtaşla qarşılaşıb və rəqibinə minimal fərqlə (4:5) uduzub.
86 kq-da Abubakr Abakarov Slovakiyanı təmsil edən Boris Makoyevə 7:4 hesabı ilə qalib gələrək, bürünc medalı qazanıb.
125 kq-da Georgi Meşvildişvili bürünc medal görüşündə Abraham Konyedonunla qarşılaşıb. Meşvildişvili italiyalı rəqibini 7:4 hesabı ilə məğlub edərək, qitə üçüncüsü olub.
Avropa çempionatı aprelin 23-də yekunlaşacaq. Öncədən sərbəst güləşçilərdən Əliabbas Rzazadə (57 kq) və Hacı Əliyev (70 kq) “qızıl”, Maqomedxan Maqomedov (97 kq) “gümüş” qazanıb.
