AVRO-2020: pul mükafatları nə qədərdir?
13.06.2021 , 22:34
Avropa çempionatı bir il gecikmə ilə başladı. 24 ölkənin iştirak etdiyi turnirdə UEFA milli komandalara nə qədər mükafat verəcək?
Korner.az xəbər verir ki, UEFA, korona virusu baxmayaraq mükafat məbləğini əvvəlki turnirlə müqayisədə 23 faiz artırıb. Cəmi 371 milyon avro 24 komanda arasında paylaşılacaq.
Əvvəlki turnirdə bu rəqəm 304 milyon Avro idi. Qalib gələn komanda təxminən 34 milyon avro qazana biləcək. Çempion komanda son gündə 10 milyon avronu seyfinə qoyacaq. İkinci yer 7 milyon avro ilə evə dönəcək.
AVRO-2020 pul mükafatları:
Turnirdə iştiraka görə: 9.25 milyon avro
Qrupdakı bərabərliyə görə: 750 min
Qrup qalibiyyəti: 1.5 milyon avro
1/8 finala qalanlara: 2 milyon avro
1/4 final: 3 milyon 250 min avro
Yarımfinal: 5 milyon avro
Turnir ikincisi: 7milyon avro
Qalib: 10 milyon avro
