AVRO-2016-nın rəmzi yığma komandası açıqlanıb.
Korner.az-ın məlumatına görə, bunu Aleks Ferqyuson, Alen Jiress, Devid Moyes və digər tanınmış mütəxəssislərin daxil olduğu ekspert qrupu qurub.
Bu haqda UEFA-nın mətbuat xidməti məlumat yayıb.
Rəmzi yığmanın qapıçısı Portuqaliyadan Ruy Patrisiudur. Müdafiə xəttinə Almaniyadan Coşua Kimmixlə Jerom Boatenq, Portuqaliyadan Pepe ilə Rafael Qerreyro daxil olublar. Yarımmüdafiəçilər Almaniyadan Toni Kross, Uelsdən Co Allenlə Aaron Remsidir. Hücumda isə Antuan Qrizmannla Dmitri Payet (hər ikisi Fransa) və Kriştianu Ronaldu (Portuqaliya) yer alıb. Gözlənildiyi kimi, rəmzi yığmada daha çox Avropa çempionu Portuqaliya yığmasından futbolçu düşüb – 4 nəfər.
