Bu gün Ukrayna və Polşanın birgə təşkilatçılığı ilə davam edən Avropa çempionatında qrup mərhələsində II turun növbəti oyunları keçirilib.
Korner.az-ın məlumatına görə, turnirin səkkizinci günündə daha iki qarşılaşma baş tutub/
İlk matç Ukrayna və Fransa arasında baş tutub. Təşkilatçı ölkə Ukrayna yığması İsveç üzərində göstərdiyi gözəl oyunu fransızlarla oyunda da sərgiləyə bilməyib. Fransızlar rəqibinə 2 cavabsız qolla qalib gəliblər.
Günün ikinci və son qarşılaşması isə İsveç və İngiltərə milliləri arasında olub. İlk görüşdə Ukraynaya məğlub olan İsveç ingilislərlə oyunda qələbə qazanmağa çalışıb. Lakin buna müvəffəq ola bilməyiblər. İsveç yığması İngiltərəyə 3:2 hesabı ilə məğlub olub.
15 iyun
"Avro-2012"nin qrup oyunları
21:00. Ukrayna – Fransa
Qollar: Menez, 53 (0:1), Kabaye, 56 (0:2)
23:45. İsveç – İngiltərə
Qollar: Kərol, 24 (0:1), Conson, 49-avtoqol (1:1), Melberq, 59 (2:1), Uolkot, 64 (2:2), Uelbek, 78 (2:3)
