.jpg)
Daha əvvəl elan olunduğu kimi, "Bakı" və "Atletiko" arasında əməkdaşlıq müqaviləsinin şərtlərinə əsasən, seçilmiş gənc azərbaycanlı futbolçular Madrid təmsilçisinin bazasında təlim alacaqlar.
Korner.az-ın klubun rəsmi saytına istionadən verdiyi məlumata görə, uzunmüddətli proqram əsasında İspaniyaya yollanacaq futbolçuların seçimi "Atletiko"nun məşqçi-seleksiyaçılarına həvalə olunub.
Artıq 3 nəfərdən ibarət seleksiyaçı məşqçilər Bakıdadılar. Bu gün Daniel Qonsales Sans, David Bellver və Xuanxo Rodriqes 11-13 yaşlı futbolçuların yarışlarını izləyiblər. Müşahidələr bir neşə gün davam edəcək.
1 həftə ərzində aparılan analizlər nəticəsində ən perspektivli futbolçular müəyyənləşəcək və onların siyahısı hazırlanaraq klub rəhbərliyinə təqdim olunacaq. Bu siyahıda tək “Bakı”nın deyil, istənilən qurumun nümayəndəsi yer ala bilər.
Seleksiya işləri başa çatandan sonra siyahı elan olunacaq. Seçilmiş uşaqlar yay aylarından etibarən Madridə yollanaraq futbol təlimləri ilə bərabər klassik təhsil də alacaqlar. Layihənin bütün xərclərini "Bakı" klubu qarşılayır.
