İngiltərənin "Mançester Yunayted" klubu mövsümün sonunda İtaliya nəhəngi "İnter"ə transfer olunacaq Nemanya Vidiçə əvəz axtarmağa başlayıb.
Korner.az-ın məlumatına görə, Serb oyunçunun əvəzinə real namizəd kimi "Atletiko"da forma geyinən Joao Miranda göstərilir. "Mankunianlar"ın baş məşqçisi Devid Moyes 29 yaşlı braziliyalını komandasında görmək istəyir. Miranda bu mövsüm İspaniya çempionatında və Çempionlar Liqasında 28 görüş keçirib, 3 qol və 1 məhsuldar ötürmə ilə yadda qalıb.