“Atletiko”lu Felipe Luis ilə Mİranda Türkiyənin Manisa şəhərində baş vermiş mədən qəzasında həlak olanların yaxınlarına və xəsarət alanlara külli miqdarda yardım edəcək.
Korner.az-ın məlumatına görə, braziliyalı Felipe ən yaxın komanda yoldaşı Arda Turana “Somaya yardım etmək istəyirəm. Çempionluq mükafatımı ora göndərəcəm. Bunun üçün nə etməliyəm, mənə yol göstər” – deyib.
Luisin ardınca Miranda dəstək kampaniyasına qoşulmaq istədiyini və 200 min avro göndərə biləcəyini deyib. Arda, Felipe ve Mirandanın İspaniya çempionluğu mükafatı 600 min avro olacaq. “Atletiko” Çempionlar Liqasının qalibi olacağı təqdirdə, bu məbləğ 1.5 milyon avroya çatacaq.
