“Atletiko”dan 35 milyonluq transfer
02.02.2026 , 21:45
Madridin “Atletiko” klubu hücum xəttini gücləndirmək üçün yeni transferini reallaşdırıb.
Korner.az xəbər verir ki, La Liqa təmsilçisi “Atalanta”da forma geyinən nigeriyalı hücumçu Ademola Lukmanı heyətinə qatıb.
Bu barədə klubun mətbuat xidməti məlumat yayıb.
Bu transfer üçün “Atletiko” 35 milyon avro ödəyib. Müqavilədə nəzərdə tutulan bonuslar sayəsində Berqamo klubu əlavə 5 milyon avro gəlir əldə edə bilər.
28 yaşlı futbolçu Madrid klubu ilə 2030-cu ilin iyununun sonuna qədər müqavilə imzalayıb. Onun yeni komandasında alacağı məvacib hələlik açıqlanmayıb.
Lukman cari mövsümdə bütün turnirlər üzrə 19 qarşılaşmada iştirak edib, 3 qol vurub və 2 assistlə yadda qalıb.
